اتخاذ القرارات الصعبة - مكسرات

السلام عليكم في الفيديو ده هنعرض اسلوب عملي يساعدك على اتخاذ القرارات الصعبة الاسلوب اللي هنعرضه اسمه Fear Setting هدفه تحديد المخاوف من اتخاذ القرار الصعب بشكل يساعدنا على رسم صورة واضحة للمكاسب والخسائر اللي ممكن تنتج عنه وبالتالي قدر اكبر على تحديد موقفك من اتخاذ القرار

الاسلوب ده قدمه مؤلف وريادي مشهور اسمه تيم فرس تيم هو مؤلف مجموعه من اكثر الكتب مبيعه في مجال ريادة الاعمال وتطوير الذات اولها واشهرها هو كتاب The 4 hours work week الكتاب اللي بيقدم خطة مفصله للي حابين يتحرروا من الوظيفة ويبدأوا بزنس خاص الاسلوب اللي هنعرضه اليوم ورد في احد كتبه بالتحديد كتاب Tools of Titans لكن كمان تيم ذكر الاسلوب ده في حديث له على منصة TED اللي حابب يشوفه هيلقي الرابط في الوصف

المهم تقدر تطبق اسلوب فير سيتينج في 3 خطوات الخطوة الاولى وهي خطوة سهلة جدا حدد القرار الصعب اللي انت عاوز تتخذه قرار الاستقالة من العمل مثلا او التقدم للزواج او بدء مشروعك الخاص او ايا كان واسأل نفسك ماذا سيحدث اذا قمت باتخاذ القرار ايه اللي هيحصل لو استقلت ايه اللي هيحصل لو تقدمت للزواج وهكذا اجتماعك

إجابتك على السؤال هتكون هي الخطوة الثانية في الخطوة الثانية هات ثلاث ورقات أو ممكن ورقة واحدة كبيرة وأسمها ثلاث أعمدة مثلا مش هتفرق أول عمود هتكتب فيه مخوفك من اتخاذ القرار تخيل السيناريو الأسوأ إيه أسوأ ما يمكن أن يحدث لو اتخذت القرار ده؟ يفضل تكتب مخوفك على شكل قائمة أو نقاط منفصلة محددة

لو كان القرار هو الاستقالة الفورية مثلا ممكن تكتب انك ما تلاقيش فرصة عمل اخرى بسرعة انك ما تلاقيش فرصة عمل بمرتب مناسب ان الاستقالة تسبب لك مشاكل مع مسؤول الشركة وهكذا اي ان كانت مخوفك اكتبها في العمود ده تاني عمود هتكتب فيه الحاجات اللي ممكن تعملها عشان تتجنب حدوث كل نقطة من مخوفك اللي كتبتها في العمود الاول

يعني بالنسبة لنقطة أنك ما تلاقيش فرصة عمل بسرعة إيه الشيء اللي ممكن تعمله عشان تتجنب حدوث ذلك أو عشان تقلل من فرصة حدوثه ممكن مثلا على الأقل تتأكد أنك محضر سيرات ذاتية محدثة ممكن تبحث في مواقع التوظيف عشان تتأكد أن وظيفتك عليها طلب من الشركات أو أي أفكار أخرى تجنبك أو تساعدك على تجنب البقاء لفترة طويلة بدون وظيفة

كده أصبح عندك في العمود الثاني الأفعال اللي ممكن تعملها عشان تتجنب حدوث السيناريو الأسوأ من مخوفك في حالة اتخاذ القرار انتقل بقى للعمود الأخير في العمود الأخير هنفترض أن كل نقطة من مخوفك حدثت بالفعل ولم تستطع تجنبها

ايه اللي ممكن تعمله عشان تنقذ او تصلح الموقف يعني مثلا هتفترض انك استقلت ولم توفق في ايجاد فرصة عمل مناسبة بسرعة ايه اللي ممكن تعمله عشان تقلل من الضرر بقدر الامكان ممكن مثلا تشتغل في ريلانسر لفترة لحين ما تجد وظيفة ممكن تشتغل في وظيفة اخرى بشكل مؤقت وهكذا اكتب الامور اللي ممكن تصلح او تخفف الضرر في حالة حدوث الامر اللي انت خايف منه

لاحظ ان كل نقطة في عمود المخاوف ممكن يقابلها اكتر من نقطة في الاعمدة الاخرى ممكن يبقى فيه اكتر من فعلة او حل لتجنب حدوث امر ما او لاصلاح الضرر او تخفيفه في حالة حدوثه الخطوة الثالثة والاخيرة وهي خطوة مهمة جدا في ورقة جديدة او على ظهر الورقة اللي بتستخدمها بالفعل هتكتب حاجة مهمة هتكتب تبعات عدم اتخاذ القرار الحياة هيبقى شكلها ايه بنسبالك بعد سنة او خمس سنين لو لم تتخذ القرار

هايحصل ايه لو لم تستقيل لو ما تقدمتش للزواج او لو ما بدأتش مشروعك الخاص اكتب توقعاتك ومخوفك من عدم اتخاذ القرار وتأثير ده على مستقبلك النقطة دي مهمة لان عادة اللي بيكون حاضر في الذهن لما بنواجه قرار صعب هو توابع اتخاذ القرار مش توابع عدم اتخاذه

لأن توابع محاولة تغيير الوضع عادة بتكون ظهرة ووضحة وسريعة لكن بننسى أن عدم اتخاذ القرار وبقاء الوضع كما هو عليه ممكن يستنزفنا ولو كان ببطء وتأثيره مش هيزرر في المستقبل وعشان كده بنسأل نفسنا عن توابع عدم اتخاذ القرار في المستقبل بعد مرور فترة من الزمن

بعد كتابة كل ده المفروض تكون الصورة وضحت أمامك أحيانا عند اتباع هذا الأسلوب وكتابة مخاوفك وسبل تجنب حدوثها أو إصلاحها لو حدثت هتكتشف أن القرار مش مخيف بالدرجة اللي أنت كنت متخيلها واللي كتبته من طرق لتجنب المخاوف أو إصلاحها هيشجعك تتخذ القرار لو كان في مصلحتك

كمان بكتابة تبعات عدم اتخاذ القرار ممكن يتضح انها مخيفة اكتر من توابع اتخاذه وده يشجعك اكتر على اتخاذ القرار وممكن ايضا نكتشف عدم استعدادنا لاتخاذ القرار في الوقت الحالي بس على الاقل وقتها هيكون تضح لنا النقاط اللي محتاجين نعمل حسابها عشان نقدر نتجنبها او نخفف من ضرارها لاحقا المهم في كل الحالات انك تواجه مخافك وما تحولش تهرب من القرارات الصعبة

مواجهة القرارات الصعبة وإن كان صعب على النفس على المدى القريب فهو غالبا بيخلي الحياة أسهل على المدى البعيد لو استسهلنا واخترنا الهروب من مواجهة القرارات الصعبة في الحاضر فإحنا بنصعب الحياة على نفسنا في المستقبل خلي بالك أنا مش بنصحك تتخذ قرار معين أنا بنصحك توجهه وما تهربش منه وبإذن الله الأسلوب اللي شرحناه في فيديو اليوم يساعدك على المواجهة أشوفكم في فيديو جديد قريبا بإذن الله السلام عليكم